ഞാനാ‘ണെ’ന്നൊരു ഭാവനയിങ്ങനെ..
ഞാൻ ‘പെണ്ണെ’ന്നൊരു
ഭാവനയങ്ങനെ....!
അങ്ങനെയിങ്ങനെ ഭാവനപിണ്ഡി-
ച്ചിങ്ങനെയങ്ങനെവന്നുടനുടലും....!
‘ഞാ’നോ പെണ്ണല്ലാണല്ലെന്നതു
ജ്ഞാനക്കണ്ണാൽ കാണും താനും...!
ജ്ഞാനക്കണ്ണന്‍ ‘ഞാനെ’ ന്നെണ്ണു-
ന്നേരം മനമായ്ക്കാണ്മതിതെല്ലാം.
അങ്ങനെകാണും മനമല്ലാതി-
ന്നിങ്ങനെ കാണും
ലോകവുമില്ല...!!
കാണുന്നേരം ജ്ഞാനക്കണ്ണിനു
'ഞാനെ'ന്നുണ്ടൊരു ഭാവം വേറേ...!
“ആരവിടെ” ന്നു തിരക്കുകിലെവിടേം
“ഞാനിവിടെ”
ന്നേയുത്തരമുള്ളൂ....!
ഞാനോ രണ്ടില്ലെന്നതുകണ്ടാൽ
‘ഞാനും’ പോകും ‘നീയും’
പോകും...!
ആ വഴി ചെന്നു മുറയ്ക്കു
തിരഞ്ഞാൽ
ജ്ഞാനം മുഖപടമടവേ
മാററും.
ജ്ഞാനമുദിക്കുന്നേരമ്മുതലൊരു-
ഞാനേ കാണൂ ബ്രഹ്മാണ്ഡത്തിൽ..!!!
-മധു,മുട്ടം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ