ത്രേതായുഗം വീണ്ടും പിറന്നാൽ
ത്ര്യംബകം വീണ്ടുമൊടിഞ്ഞാൽ
രാമായണത്തിലെ നായിക വീണ്ടും
മായാ മാനിനെ കാണും- വാല്മീകി-
മാമുനി അതുകണ്ടു ചിരിക്കും-!
അംബുജലോചനനന്നും പ്രിയതൻ
ചില്ലിവില്ലേറ്റകലും…
പണ്ടു മുഴങ്ങിയ
നിലവിളിവീണ്ടും
പഞ്ചവടികേട്ടു നടുങ്ങും…
ആ സ്വരമറിയും
അനുജനു മൈഥിലി
ആദ്യപ്രഹേളികയാകും…
(
ദണ്ഡകകാനന വനിയിൽ വിതുമ്പി
*ത്ര്യംബകോൽത്ഭവ ഒഴുകും..
രണ്ടുയുഗങ്ങളിൽ
സേതു ഉയർത്തി
തമ്പി തളർന്നു മയങ്ങും…
ആ മലരടികൾ
രാമൻ മിഴിനീർ
പാദ്യം കൊണ്ടു കുതിർക്കും….
(
-മധു,മുട്ടം
--------------------------------
* ഗോദാവരി നദി
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ