link href="https://fonts.googleapis.com/earlyaccess/notosansmalayalam.css’rel=’stylesheet’tupe=’text/css’/ സുഭാഷിണി MADHU MUTTAM’S BLOG: പാൽക്കടൽക്കുളി

കവിത, കഥ, ലേഖനം, നർമ്മം , നാടകം, സംഭാഷണരൂപം

2015, മാർച്ച് 15, ഞായറാഴ്‌ച

പാൽക്കടൽക്കുളി

പാട്ടു കവിത







പാൽക്കടലിൽ കുളിച്ചുകുളിച്ചാ-
പാലാഴിപ്പെണ്ണിനെ വളച്ചെടുത്താ-
പാമ്പിൻമെത്തമേൽ കിടപ്പും….
പാമ്പിന്റെ വൈരിമേൽ നടപ്പും….!!
പറയും ഞാനെല്ലാം പറയും…. 
മറയും വല്ലാത്തമുറയും…!
പറഞ്ഞുവരുമ്പോൾ പരദോഷം
അറിഞ്ഞുവരുമ്പോൾ പരിതോഷം…!!

ണത്താർമാനിനീനൃത്തം നുകരാൻ
മുപ്പാരെല്ലാം കണ്ണേറാൽ തീർത്താ-
ത്തൂണിലും പിന്നെ തുരുമ്പിലും വരെ
മറഞ്ഞുമൊളിഞ്ഞുമൊളിസേവ……!!
പറയും ഞാനെല്ലാം പറയും……
മറയും വല്ലാത്തമുറയും….!

കറുമ്പൻ കാലിച്ചെറുക്കനായി-
ക്കുറുമ്പുംകാട്ടിക്കറങ്ങും കാലം
ഇടയപ്പെണ്ണിനെ വലച്ചു…..; പോയി-
ട്ടരചപ്പെണ്ണിനെപ്പിടിച്ചു….;
ഇടിച്ചുമാമനെപ്പൊടിച്ചു…;  മുടി-
യഴിച്ചപെണ്ണിനെത്തുണച്ചു….:
ഒഴക്കവൽക്കിഴി കിടച്ചപ്പോൾ ചേടി-
പ്പണിക്കു വേളിയെയയച്ചു…..!!
പറയും ഞാനെല്ലാം പറയും….
മറയും വല്ലാത്തമുറയും…!
പറഞ്ഞുവരുമ്പോൾ പര ദോഷം….
അറിഞ്ഞുവരുമ്പോൾ പരിതോഷം..!
                  -മധു,മുട്ടം                 




അഭിപ്രായങ്ങളൊന്നുമില്ല: